Zwoade Herrn: Gwunna gega an TS Jahn München

MTSV Schwabing II – TS Jahn München 29:21

 

Nachdem de Tabeinführung wieda in Schwabing wa hod der Tabeinblotz freilich a bestätigt wern miasn. Gega Jahn München is danada beim ofanga a genau so gspuid woan. Da Mike (unsa Coach) had de perfekte Abwehr aufs Feidl gschdeid.

Da muas ma Resbekt und Annerkennung gegenüba dera Verteidigung hom. Achd zu oans (8:1) is nachad zea (10) Minudn gschdandn. Do hod der Jahn ja eigendlich eh scho aufgherd kapt zum spuin, aba irgendwia war dannada da Wurm drinn und de Abwehr had nimma gscheid funktioniert und vorn woid a koana mehr aufs Dial werfa. Da han de andan dann a glei wieder rokemma auf vierzeha eif (14:11) zur Hoibzeid.

Da hod da Mike in da Pause gscheid gschimpft und des hod dann a Wunda gwirkt. Hindn samma wida gschdandn wira onsa undn vorn hamma den ganzen Ladn vom Jahn ausanada gnumma, so dass am End raus neinazwansg zu oanazwansg gschdandn hod. Ois midananda gseng hod de zwoade Herrn vo Schwabing a subba Leistung brocht und olle Leid ham erna gewohnte top Leistung abgruafa, unsa Abwehr wia da Angriff und unsare weidbesten Fans sowieso.

Somid hod da Reiner verdient a unsa Siegselfie macha derfa, des natürlich aa oller erste Sahne war.
Gschbuid hom: Wex (Tor), Johannes (Tor), Soto Sebi, Capitano Sebi, Stabbi (2), Speedy Niklas (7), Mascheck (2), Ebbe (1), Bernhard (7), Juli (1), Sascha (1), Rainer, Galle (2), Matze (6)